Tan teloet Prime Minister Carney olaon National Day ogjit Telaigeoeo ag Ilamatoltimg
CANADA, September 30 - “Ola nige National Day ogjit Telaigeoeo ag Ilamatoltimg ag Nigtjaoigenetjoamogsitjig atelaig nageo, mioalgetjig tan Sapotitapenig Canada residential school teltageneoigasig, migoeitelemgetjig tan mo elmitagopenig ag togpogoltieg tan oigemaoa ag otann tan pemaatototj na tan gogei entotip.
Me ag gasigimtelnagenipenag, piamio150,000 elnog, Inuitag ag Métisag mitjoatjitjg tepgisalopenig ongigeoag, oigemeoaoag ag ogt otanemoal ag elgimopenig residential Schoolsel. Ola teltageneoigasigep tan tjigelaatag tan teli elnoltipenig ag tepgisalogsin mitjoatjitjg tan ogt telisotimoeo, ta oenoltipenig, otinineomeo tan oenoltitjig, ag tan teloltipeniig.
Ola federalei geptenool gisitog ag pemaatogep ola teltageneoigasig, ag Canada na pemaatog na tan tetotji memoni eolaalopeniig ag tan telalotipeniig.
Me ag 6,600 tan Sapotitaapenig ag nemitootitp petjitapenig ola Teliag ag Ilamatoltimg Commission teloetjig tan tetotji eolaaloseniig ag teotji saag Canada mo tjigsetemogsepeneg. Tan tel melgitaasoltitjig na tel gis Canada tjigsetg, migoitetg ag angitasoatg.
Me tetagetjig tan Sapotitaapenig me ag paseg migoitelemaneo. Tetagetjig natelatagetieo. Ola Teliag ag Ilamatoltineo Commision’el 94 Calls to Action na ilgoeng na logeoagen.
Mao logotieg elnog, Inuitag ag Métisag mitjoatjitjg, Ninen geptenolag gigtji logotieg egpitjogatonen tan gisag gogei panteteg tan tel oeloltimg ag geginamasimg, maliaptasigten elnoel teliisotiil ag tan oenoltitjig, ag tan teltageneoigasig gelolg samgoan Elnoegatigtog.
Iganiegsemogtjaatoeg tan telteg tetpagasigtenogtjig Gesgoltipeniig ag Nepopeniig Elnoisgoag, Epitetjitjg ag 2SLGBTQI+ nematjoinoog, ag nasaatoeg United Nations Declaration on the Rights of Indigenous Peoples Act.
Gisgog, Canadianag na nasgetag Nigtjaoigenetjoamog ag nasitaatag tan pestieoeimg tan migoitelemotjig mitjoatjitjg tan mo elmitagepeniig-ag mioatalotjig tan Sapotitaapenig tan teloepenig teliageoei me na Canadianag sioatag ola logeoagen tan ilamatoltimg.”
Me gogei egto egtjiton: Ola 24-hour geligetg ag gelotasig National Indian Residential School Crisis Line, eteg tet 1-866-925-4419, igenemoetag sespenag ag elgimatag tan Sapotitaatpenig ag oigema ag genoatoatem tan telapsgentag egteg tan tel oeloltiteag oetjiag Geptenool Canada. Ola Hope for Wellness Helpline igenemoetag engotio, Mo- talaotinog matagtemamg ag online etl-eogoemg oelitasimgeoei apogenematimg ag sespenageoei petgamoemg ogtjit tan tesit Elno Canada. Gitg matagtemgeoei ag online etleogoemg na panteteg 24/7 aglasieoigtog ag oentjoigtog. Matagtegemgeoei apogenenatimg eteg elmiag taoen Cree, Ojibway, and Inuktitut. Gisi ginamotjit counsellorag eimotitjig 1‑855‑242‑3310 gesnet sapotasi hopeforwellness.ca.
Legal Disclaimer:
EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.
